Авторларға арналған ақпарат

«ILIM» халықаралық ғылыми-педагогикалық журналына қазақ, орыс, ағылшын және түрік тілдерінде жазылған, бұрын жарияланбаған және журналдың ғылыми бағыттарына сәйкес келетін мақалалар қабылданады.

Қолжазба ұсынуды жоспарлаған авторлардан алдымен «Журнал туралы ақпарат» бөлімімен және «Авторларға арналған нұсқаулықта» көрсетілген мақала жазуға қойылатын талаптармен танысуды сұраймыз.

Мақалаларды қабылдау мерзімі

«ILIM» халықаралық ғылыми-педагогикалық журналы жылына 4 рет жарық көреді.

1-басылым – наурыз, мақалаларды қабылдаудың соңғы мерзімі – 15 ақпан.

2-басылым – маусым, мақалаларды қабылдаудың соңғы мерзімі – 15 мамыр.

3-басылым – қыркүйек, мақалаларды қабылдаудың соңғы мерзімі – 15 тамыз.

4-басылым – желтоқсан, мақалаларды қабылдаудың соңғы мерзімі – 15 қараша.

Қолжазбалар көрсетілген мерзімдердің соңғы күнін қоса алғанда қабылданады. Мақаланы белгіленген мерзімде ұсыну оның тиісті шығарылымда міндетті түрде жарияланатынына кепілдік бермейді.

Мақаланы редакцияға жіберу тәртібі

Мақалалар журналдың ресми сайты арқылы қабылданады.

Қолжазбаны жіберу үшін автор жүйеге тіркелуі қажет. Бұрын тіркелген авторлар жүйеге кіріп, жеке кабинетін пайдалана алады.

Авторларға арналған ғылыми журналға мақала ұсыну тәртібі:

  1. Сайтта тіркелу (аты, тегі, ұйымы, елі).

  2. Жүйеге кіру (электрондық пошта мекенжайы, пайдаланушы аты, құпиясөз).

  3. Авторларға арналған ережелермен танысу (журнал талаптарымен танысу).

  4. Жеке кабинетте автор немесе рецензент рөлін таңдау.

  5. Мақаланы жүктеу.

  6. Журнал редакциясының жауабын күту.

Қолжазбаны жіберер алдында оның журнал талаптарына сәйкес рәсімделгенін, тілдік сауаттылығын және ұсынылған мәліметтердің дұрыстығын тексеру қажет.